स्त्रीरोग विशेषज्ञका कुरा : गर्भपतनबारे जान्नैपर्ने कुरा

 

अहिले गर्भपतनलाई गर्भनिरोधक अस्थायी साधनको रूपमा धेरैले प्रयोग गरेको पाइन्छ । गर्भपतनलाई निकै सहज ढंगले हेरेको पाइन्छ । बाध्यतामा परेर एकपटक गर्भपतन गराउनुलाई संकटका वेला सुविधा प्रयोग गरेको मान्न सकिन्छ, तर पटक–पटक गर्भपतन गराउनु हानिकारक हुन्छ । वरिष्ठ स्त्रीरोग विशेषज्ञ प्रा.डा. जागेश्वर गौतमले गर्भपतनबारे जान्नैपर्ने केही जानकारी गराएका छन्ः

 

• गर्भपतनलाई परिवार नियोजनको साधनको रूपमा व्याख्या गरेको पनि पाइन्छ । तर, गर्भपतन परिवार नियोजनको साधन होइन । बाध्यात्मक अवस्थामा एकपटक मात्र गर्भ फाल्न सकिने विभिन्न अध्ययनले देखाएका छन् ।

 

 

• पटक–पटक गर्भपतन गराउँदा महिलाको ज्यानै जोखिममा पर्नसक्छ । धेरैपटकको गर्भपतनले महिलामा बच्चा पैदा गर्ने क्षमतामै ह्रास आउन सक्छ ।

 

 

 

• असुरक्षित गर्भपतनले पाठेघरमा प्वाल पर्ने, आन्द्रा तानिएर संक्रमण बढ्ने हुन्छ । यस्तो अवस्थामा बढी रक्तश्राव हुने खतरा पनि रहन्छ । अत्यधिक रक्तश्रावले महिलाको ज्यानै लिन सक्छ ।

 

• गर्भपतनका क्रममा पाठेघरको नलीमा इन्फेक्सन हुन पुग्यो भने भविष्यमा गर्भ नै नबस्ने हुनसक्छ । कहिलेकाही“ गर्भपतन राम्रोसँग नहुँदा नलीमा बच्चाको केही अंश रहन सक्छ । यस्तो भयो भने पछि नली नै काटेर फाल्नुपर्ने हुन्छ ।

 

• धेरैपटक गर्भपतन गराउँदा पाठेघर पातलिन्छ, पातलो पाठेघरमा बच्चा नबस्ने सम्भावना हुन्छ । बच्चा बसेमा पनि आफै“ खेर जाने सम्भावना बढी हुन्छ । पाठेघरभित्रको आकारप्रकार बिग्रन्छ ।

 

• धेरैपटक गर्भपतन गर्दा पातलो भएको अवस्थामा पाठेघरमा थप समस्या निम्तिन सक्छ । यस्तो अवस्थामा प्राकृतिक गर्भधारण गर्दा पाठेघर नै फुट्ने खतरा बढी हुन्छ ।

 

• सन्तानको चाहना नहुन्जेलसम्म परिवार नियोजनको अस्थायी साधन प्रयोग गर्नु नै उपयुक्त हुन्छ । गर्भ रहेर गर्भपतन गराउनैपर्ने बाध्यता भए तालिमप्राप्त स्वास्थ्यकर्मी तथा मान्यताप्राप्त स्वास्थ्य संस्थाबाट मात्रै सुरक्षित रूपमा गराउनुपर्छ ।

 

• पहिलो बच्चा खेर फाल्नु राम्रो होइन । किनभने, कसैकसैको एउटा मात्रै बच्चा हुने सम्भावना पनि हुन्छ । पहिलो गर्भ नै फालिएमा अर्को बच्चा नबस्ने हुनसक्छ । गर्भपतन गराइसकेपछि अर्को बच्चा बस्ने सम्भावना पहिलेको भन्दा केही कम हुन्छ । किनभने, गर्भपतनका वेला इन्फेक्सन भएर नली नै बन्द हुन पनि सक्छ

To read in your mobile download our android app from google play store. Click Here To Download App